Ibiltzean egiten da bidea.

 

Azaroaren 26an eta abenduaren 10ean, HTB unitateak erabili dituzuen irakasleen mintegi saioak izan dira.

Azaroaren 26an Durangoko Berritzegunean Lehen Hezkuntzako irakasleak eta aholkulariak bildu ginen. Rakel Arrizabalagaren laguntzaz, unitateak garatzeko oso interesgarriak diren hainbat baliabide aurkeztu genituen eta irakasleei banandu genien. Zalantzak, kezak eta abar biltzen eta erantzuten saiatu ginen.

Abenduaren 10ean, Bigarren Hezkuntzako irakasleak eta aholkulariak Durangoko Berritzegunean ere bildu ginen eta esperimentazioa abian jartzeko aske zeuden hainbat hari lotu genituen.

Dakizuenez, otsailaren erdira arte ez gara berriro bilduko baina Berritzegune Nagusiko lankideok zuekin hitz egiteko, zuen ikastetxeetara hurbiltzeko, prest gaituzue.

Agur bero bat eta laster arte.

HTB UNITATEEN ESPERIMENTAZIOA. 2009-2010 MINTEGIA

Urriaren 28an eta 29an  ikasturte honetan (09-10) HTB unitateen  esperimentazioan arituko diren irakasleentzako prestakuntza saioa eta mintegi-bilera antolatu dira Berritzegune Nagusian ( Tolosa kalea, 6.  48002, Bilbo).

Asteazkeneko saioan, urriak 28, esperimentazioan sartu diren ikastetxe eta irakasle berriek  hartuko dute parte . Goiz osoko saioa izango da eta bertan  azalduko diren gaiak ondokoak dira:

1. Hizkuntzen Trataera Bateratuaren oinarriak
2.  Komunikazio proiektuak
3. Sekuentziaziorako markoa
4. HTBko unitate didaktikoak 

Hurrengo goizeko saioa, urriaren 29koa, mintegi moduan antolatu da. Bertan bilduko dira esperimentazioan arituko diren ikastetxe guztiak  ( hogeitik gora) eta jorratuko diren gaiak  esperimentazioaren ingurukoak izango dira, besteak beste , lan-plana,  kudeaketarako tresnak, materialen planifikazioa… Bilera 12:00etatik 14:00etara bitartean egingo da.

Educastur-etik hartua

IKASLEEN EKOIZPENAK

Etxerako lanak egin ditugu! Joan zen ikasturtean gure Unitate Didaktiko Bateratuak erabili dituzten ikasleen ekoizpenak bildu genituen eta azkenean ere! zuen eskura ipini ditugu. Horretarako blog berri bat sortu dugu: “Hizkuntzen Trataera Bateratua 2008-2009” non jasotako lanen hautaketa bat ikus dezakezue.

Aldez aurretik, gure proiektuarekin fidatu diren irakasleen ezinbesteko lankidetza eskertu behar dugu, haiek gure proposamenak ikasgeletan gauzatu dituztelako, eta,  jakina! beren ahotsa, beren irudia eta beren ahalegina utzi dizkiguten umeei eta gazteei ere eskerrak ematen dizkiegu, haiei esker guk proposatutako lana benetako ahozko zein idatzitako testuak bihurtu dira eta. Guztien esfortzua eta ilusioa lanean jarraitzeko sustagarriak dira. Bihotz bihotzez, eskerrak.

EHUko Uda Ikastaroa

Uztailaren 6an, 7an eta 8an “Hizkuntzen Trataera Bateratua” izeneko ikastaroa burutu da Miramar Jauregian, EHUko Uda Ikastaroen  egoitza, , Teresa Ruiz, HTB programaren arduraduna, zuzendaria izanik. Saio desberdinetan hizlariek erabilitako aurkezpenak bildu dizkizuegu hemen :

 

• 1. eta 2. hitzaldiak: Montse Ferrer, Valentziako Unibertsitateako irakaslea: Bases del tratamiento integrado de las lenguas.
• 3. hitzaldia, Mª del Mar Pérez, Berritzegune Nagusiko Gaztelania eta Literatura aholkularia:  El currículo de lenguas del País Vasco y el T.I.L.
• 4. hitzaldia, Oriol Guasch, Bartzelonako Unibertsitate Autonomoko irakaslea: El hablante plurilingüe y el T.I.L..
• 5. hitzaldia, Oriol Guasch, Bartzelonako Unibertsitate Autonomoko irakaslea: La transferencia de las habilidades de escritura.
• 6. hitzaldia, Teresa Ruiz, HTB programa arduraduna: Arloetako programazioetatik Hizkuntzen Trataera Bateratura.
• 7. hitzaldia, Mª del Mar Pérez, Berritzegune Nagusiko Gaztelania eta Literatura aholkularia: Los Proyectos de Comunicación.
• 8. hitzaldia, Maribi Apraiz, Berritzegune Nagusiko Euskal Hizkuntza eta Literatura aholkularia: Sekuentziazio Markoa.
• 9. hitzaldia, Maribi Apraiz, Berritzegune Nagusiko Euskal Hizkuntza eta Literatura aholkularia: Material Didaktikoa

Blog honetan adierazi genuen legez, HTB programako Zabalkuntza Jardunaldiak  Barakaldon, Donostian eta Gasteizen burutu ziren. Saioak antolatzean aurrikusitako xedea bete dugula pentsatzen dugu: programak egindako lana eta, batez ere, material didaktikoak, irakasleoi hurbiltzea. 400 irakasletik  baino gehiagok hartu duzue parte, eta denoi zuen parte hartu izana eskertzen dizuegu.

Jardunaldietan erabilitako PPTak ikusgai dituzue hemen baliagarriak izango zaizkizuelakoan. Jardunaldietan esan genuen bezala, laguntzeko prest gaituzue.

Eskerrik asko

sarrera1   

curriculumetik-htbra 

 lh-eta-dbh 

pphp

HTB JARDUNALDIAK

Apirilaren 21 eta 22an eta Maiatzaren 5ean, Barakaldon, Donostian eta Vitoria-Gasteizen HTB programako zabalkuntza jardunaldiak izango dira.

Jardunaldi honetan HTB programak azken urteetan egindako lana irakasleoi helarazi nahi dizuegu. Horretarako, ikastetxeetan Hizkuntzen Trataera Bateratua garatzeko orientabideak zein Lehen eta Bigarren Hezkuntzako hizkuntza irakasleen elkarlana abiarazteko material didaktikoak eskainiko dizkizuegu.

Hemen duzue jardunaldiaren edukiak:

HTB programaren ibilbidea.

Hizkuntzen curricuklumetik programazio bateratura.

Unitate didaktikoen aurkezpena.

HTB programan parte hartzeko proposamena.

Izena emateko helbideak, hauek dira:
Barakaldoko jardunaldia (Apirilaren 21)

Donostiako jardunaldia (Apirilaren 22)

Gasteizko jardunaldia (Maiatzaren 5)

ZERTARAKO BLOG HAU?

Blog honen helburua HTB programak egindako unitateen esperimentazioan parte hartu duten ikaslen lanak ezagutaraztea da. Esperimentazio hau 2006/2007 eta 2007/2008 ikasturtetan  gauzatu da.

Hezkuntza, Unibertsitate eta Ikerketa Sailak abian jarri ditu Hezkuntza berriztatzeko ildo nagusien arteko lerroak, 3.4. lerroa da “XXI. mendeko eskolan hizkuntzen presentzia” zerikusia daukana, hain zuzen ere. Lerro honek zentruetan hizkuntzen inguruko lanak indartzeko helburua du.

HIZKUNTZEN TRATAERA BATERATUA

HTB programak Hezkuntza Sailak 2007/2010 urtetarako proposatutako Lehentasun Ildoen parte hartzen du. “ESKOLA XXI. MENDEKO GIZARTEAN” ildoko 3.4. puntuan kokatuta dago programa. Bere garapena eta helburuak hemen irakur ditzazue.